Trading Stress leh Chhungkaw Nun Hriselna

Financial market-a sumdawnna/trading/investment hi thil hlimawm tak ni mah se, thil harsa tak a ni thei. Market-a inthlak danglamna awm reng te, thutlukna dik siam tura nawrna te, leh a profit/loss hriat lawk theih lohna te hian stress sang tak a thlen thei a ni. Mahse, trading/investment lama hlawhtlinna leh chhungkaw inlaichinna hrisel tak neih hi a pawimawh hle.

Chhungkaw nun inrem tak enkawl chungin trading stress manage dan tur strategy te chu hetiang hi a ni:-

1. Stress hriat leh pawm

Trading nena inzawm reng chu "stress" a nia, a takin a awm a ni ti pawm rawh. Stress hi trading hunah thil awmze nei tak a ni tih hrethiam la, chu chu hriat chian hi a tha; a solution pawh a awm a.

2. Stress enkawl dan tur ruahmanna siam

I mamawh ang zela stress management plan siam rawh. Stress triggers te hriatchhuah a, coping mechanisms kalpui. Hei hian chawlh hahdam fo te, mind exercise, inkhel/games te, a nih loh leh professional advice lak te a huam thei a ni.

3. Hun hman dan tha

Chhungkaw thiltih tur hun bituk ruat la, inremna siam theih loh a nih theih nan hma la rawh. Hei hian trading thil phut leh i chhungkaw mamawh inkara inthlauhna awm reng turin a pui thei a ni.

4. Beiseina dik tak siam:

Trading goal leh beisei tur dik tak siam rawh. Beiseina dik lo chuan lungkhamna dik lo a thlen thei a ni. Heng thiltumte hi i chhungte hnenah sawi la, inhriatthiamna leh thlawpna siam rawh.

5. Inbiakpawhna hi 'chabi' a ni:

Chhungte nen inbiakpawhna kawng zau takah vawng reng ang che. Trading lama i thil tawn, i harsatna leh i hnehna te sawi rawh. He langtlang taka thil tih hian mi zawng zawng huapzo leh hriatthiamna a siam a ni.

6. Environment tangkai tak siam:

Trading/stock market lama thil phut hrethiam ṭhian leh chhungte network siam. Trading/stock market khawvel pawn lama supportive environment neih hi rilru hriselna atan a pawimawh hle.

7. Stress tihtlem tura hun hman dan

Physical exercise neih reng reng hi stress tihziaawmna chak tak a ni. Built-up tension tihchhuah nan leh overall well-being tihhmasawn nan taksa tihchakna te hi i routine-ah telh la. I partner leh fate kha batminton, tennis, basketball, etc. inkhel pui zauh zauh rawh. 

8. Mindfulness tih dan tur

Mindfulness practice te hi i nitin nunphungah telh la. Meditation leh deep breathing ang chi technique te hian stress control nan a pui thei a, focus a tichak thei bawk.

9. Ramri vawng nung

Trading hnathawh leh chhungkaw hun hmanna tur hmun bik ruat. Hetianga inthenna hian rilru lam ramri siam a pui a, hnathawhna avanga lungkhamna chu chhungkaw nunah a rawn luh loh nan a veng bawk.

10. Hlawhtlinna lawmna

I sumdawnna/trading hlawhtlinna lian emaw te emaw, i chhungte/thiante nen lawm rawh. Hei hian mindset tha (positive outlook) a siam thei.

11. Setback atanga zir tur

Trading-ah hian "setback" hi pumpelh theih loh a ni tih pawm rawh. Zirna hun remchang atan hmang la, i experience chu i chhungte/thiente hnenah hrilh rawh. Hei hian harsatna hmachhawn danah zirlai hlu tak a zirtir a ni.

12. Holiday chhunga chhungkaw hun tha tak

Holidays lai hian trading activities atanga 'unplugging' turin fimkhur takin theihtawp chhuah thin ang che. Market inthlak danglamnain a tihbuai lohvin i chhungte tan 'quality time' pe rawh.

Trading lama hlawhtlinna chang tur chuan chhungkaw support leh hriatthiamna neih a tha. Stress management strategy tha tak tak kalpui a, inbiakpawhna zau tak neih a, leh tanpuina boruak siamthatna hmang hian sumdawngte chuan sum leh pai lama harsatna awmte chu an paltlang thei a, chutih rualin chhungkaw inlaichinna nghet leh inrem tak an siam thei bawk. Rilru hrisel siamna kawngah hian 80-90% hi trader te kuta awm a ni a, manih in 'adjustment' kan thiam chuan chhungkhua nun tha taka kalpui thei a ni.